ہمیں ایشیا کپ اور ورلڈ کپ کیلئے کرکٹ کا ایک انداز اپنانا ہوگا، مائیک ہیسن

پاکستان کرکٹ ٹیم کے ہیڈ کوچ مائیک ہیسن نے کہا ہے کہ ہمیں ایشیا کپ اور ورلڈ کپ کیلئے کرکٹ کا ایک انداز اپنانا ہوگا۔

مائیک ہیسن نے سوشل میڈیا پر پیغام لکھا کہ اس وقت پاکستان ٹیم دنیا میں آٹھویں نمبر پر ہے، میرپور ٹی ٹوئنٹی کرکٹ میں کم اسکور والا وینیو ہے۔

انہوں نے لکھا کہ میرپور میں مشکلات کے بعد کم بیک کرتے ہوئے تجربے سے سیکھنے کی صلاحیت دکھائی، نئے کھلاڑی آگے آئے اور اچھی کارکردگی دکھائی۔

مائیک ہیسن نے لکھا کہ اسپیشلسٹ کوچز نے بنگلادیش اور این سی اے میں بولرز کی ڈیولپمنٹ میں اہم کردار ادا کیا، آخری 2 میچز میں فیلڈنگ میں شاندار بہتری آئی۔