پوری دنیا سے پولیو وائرس ختم ہو چکا، صرف پاکستان و افغانستان میں موجود ہے: مراد علی شاہ

وزیرِ اعلیٰ سندھ مراد علی شاہ نے کہا ہے کہ پوری دنیا سے پولیو وائرس ختم ہو چکا، صرف پاکستان اور افغانستان میں موجود ہے۔

کراچی میں ایک تقریب سے خطاب کرتے ہوئے انہوں نے کہا ہے کہ خاتونِ اوّل آصفہ بھٹو نے انسدادِ پولیو مہم میں ساتھ دینے کا اعلان کیا ہے۔

مراد علی شاہ نے کہا ہے کہ رواں سال سجاول میں پولیو کا 1 کیس سامنے آیا ہے۔

ان کا کہنا ہے کہ انسدادِ پولیو مہم کے دوران خواتین اہلکار بھی تعینات ہیں۔

وزیرِ اعلیٰ سندھ مراد علی شاہ نے کہا ہے کہ لیاری ڈیولپمنٹ پروجیکٹ پر لوگوں کو تحفظات تھے، جب مخالفین کو اعتراض ہو گا تو ہی پتہ چلے گا کہ کام اچھا ہو رہا ہے۔

انہوں نے مزید کہا ہے کہ 50 سال سے جو قوتیں آپس میں بات نہیں کرتی تھیں انہیں اسلام آباد لانا معجزے سے کم نہیں اور سفارت کاری ایک پراسیس ہے، اس حوالے سے بلاول بھٹو بھی پوری طرح انگیج تھے۔

مراد علی شاہ نے یہ بھی کہا ہے کہ قومی شناختی کارڈ بلاک کرنے کے خلاف عدالتی حکم موجود ہے۔