لاہور سے مختلف شہروں کے کرایوں میں اضافہ

پیٹرولیم مصنوعات کی قیمتوں میں اضافے کے بعد ٹرانسپورٹ کے کرایوں میں بھی اضافہ کر دیا گیا ہے۔

لاہور سے راولپنڈی کے لیے ایگزیکٹو بس کا کرایہ 2250 روپے سے بڑھ کر 2480 روپے ہو گیا ہے، جبکہ ایگزیکٹو پلس کا کرایہ 3350 روپے سے بڑھ کر 3680 روپے مقرر کر دیا گیا ہے۔

لاہور سے کراچی جانے کا کرایہ 3 ہزار روپے اضافے کے بعد 13200 روپے ہو گیا ہے، اسی طرح لاہور سے مری کا کرایہ 3100 روپے سے بڑھ کر 3720 روپے کر دیا گیا ہے۔

لاہور سے صادق آباد کا کرایہ 700 روپے اضافے کے بعد 4200 روپے ہو گیا ہے، لاہور سے ملتان کا نیا کرایہ 3150 روپے سے بڑھ کر 3750 روپے مقرر کیا گیا ہے۔

لاہور سے سیالکوٹ کا کرایہ 1800 روپے سے بڑھ کر 2150 روپے ہو گیا ہے، لاہور سے پاکپتن کا کرایہ 350 روپے اضافے کے بعد 1750 روپے جبکہ لاہور سے سرگودھا کا کرایہ بھی 350 روپے اضافے کے ساتھ 2000 روپے کر دیا گیا ہے۔