پاکستان کی معاشی بحالی مشکل دور اور بلند افراط زر کے بعد آئی ہے، فچ

بین الاقوامی ریٹنگ ایجنسی فچ نے پیشگوئی کی ہے کہ پاکستان کی حقیقی شرح نمو 2027ء تک 3.5 فیصد ہوجائے گی، پاکستان کا معاشی دباؤ کم، کاروباری حالات بہتر اور قرض کا منظرنامہ مضبوط ہوا ہے۔

عالمی ریٹنگ ایجنسی کا کہنا ہے کہ پاکستان کی معاشی بحالی مشکل دور اور بلند افراط زر کے بعد آئی ہے، مشکل حالات میں بینکوں کی کارکردگی بہتر رہی ہے۔

فچ کا کہنا ہے کہ پاکستان کے بینک کاروباری حجم بڑھانے کے بہتر مواقع سے فائدہ اٹھا سکتے ہیں، بینکوں کی بڑی سرمایہ کاری حکومتی سیکیورٹیز میں ہے۔

ریٹنگ ایجنسی کے مطابق بینکوں نے ریاستی اداروں کو بڑے قرض فراہم کر رکھے ہیں، بینکوں کے غیر فعال قرضوں کا تناسب 7.6 فیصد سے کم ہوکر 7.1 فیصد ہوا ہے۔