سائنسدانوں نے کوویڈ 19 کیخلاف منہ کے ذریعے دی جانے والی دوا تیار کرلی

 

جنوبی کوریا کے سائنسدانوں کا کہنا ہے کہ انھوں نے کوویڈ 19 کے خلاف ایک اورل ڈرگ (منہ کے ذریعے دی جانے والی دوا) تیار کی ہے۔

اس حوالے سے بتایا جاتا ہے کہ جنوبی کوریا کی یونیورسٹیوں سے تعلق رکھنے والے سائنسدانوں نے اس اینٹی وائرل دوا کا نام CP-COV03 یا Xafty رکھا ہے۔ 

ان سائنسدانوں کے مطابق انھوں نے اسکی کلینیکل ٹرائل کی ہے۔ جس میں اسکے کورونا وائرس کے خلاف موثر ہونے کی تصدیق کی گئی ہے۔ اگر بعد کے مرحلےمیں یہ تجربہ کامیاب رہا تو اس کی میڈیکیشن کی منظوری منسٹری آف فوڈ اینڈ ڈرگ سیفٹی دے گی، بتایا جاتا ہے کہ یہ دوا آئندہ برس تک دستیاب ہوسکتی ہے۔

جنوبی کوریا کی بایوٹیک کمپنی ہنڈائی بایو سائنس کی جانب سے تیار کی گئی دوا نے امریکی فوڈ اینڈ ڈرگ ایڈمنسٹریشن کی جانب سے درج کردہ اہم کوویڈ-19 علامات جیسے کھانسی، سردرد، گلے کی سوزش، متلی اور سردی لگنے کے خلاف مؤثر پائی گئی ہے۔

یہ تحقیق نیچر کمیونیکیشن کی حالیہ اشاعت میں چھپی ہے تاکہ ماہرین اسکا جائزہ لے سکیں۔