گوتم گھمبیر اوول کرکٹ گراؤنڈ کے چیف کیوریٹر سے الجھ پڑے

بھارتی کرکٹ ٹیم کے ہیڈ کوچ گوتم گھمبیر اوول کرکٹ گراؤنڈ کے چیف کیوریٹر سے الجھ پڑے۔

بھارتی میڈیا کے مطابق گوتم گھمبیر اور چیف کیوریٹر کے درمیان گرما گرمی ہوئی، گوتم گھمبیر کی پانچویں ٹیسٹ کی پچ کے حوالے سے بحث ہوئی۔

انگلینڈ اور بھارت کا پانچواں ٹیسٹ میچ جمعرات سے شروع ہو رہا ہے، انگلینڈ کو سیریز میں دو ایک سے برتری حاصل ہے جبکہ بھارت کے پاس سیریز برابر کرنے کا موقع ہے۔

اوول پچ کیوریٹر لی فورٹس نے کہا کہ ایک بڑا میچ آ رہا ہے، یہ میرا کام نہیں ہے کہ میں گوتم کے ساتھ خوش ہوں یا نہیں، میں آج سے پہلے گوتم سے کبھی نہیں ملا۔