شاداب خان کا ری ہیب جاری، فزیکل ٹریننگ شروع

پاکستان ٹی ٹوئنٹی ٹیم کے نائب کپتان شاداب خان کا کندھے کی انجری سے صحتیابی کے بعد ری ہیب جاری ہے، انہوں نے فزیکل ٹریننگ شروع کردی۔

شاداب نے 5 جولائی کو انگلینڈ میں دائیں کندھے کی سرجری کرائی تھی، یہ آپریشن پاکستان کرکٹ بورڈ (پی سی بی) کے میڈیکل پینل سے مشاورت کے بعد کیا گیا تھا۔

انجری کے باعث شاداب خان ایشیا کپ میں قومی ٹیم کا حصہ نہ بن سکے، تاہم اب وہ بحالی کے پروگرام کے تحت فزیکل ٹریننگ اور فٹنس ایکسرسائز کر رہے ہیں۔

انسٹا گرام پر شاداب خان کی ایک نئی ریل بھی سامنے آئی ہے جس میں انہیں ریکوری ٹریننگ اور فٹنس ایکسرسائز کرتے دیکھا جا سکتا ہے۔ 

انہوں نے ویڈیو کے کیپشن میں لکھا، ’ری ہیب جاری ہے، آپ سب کے ساتھ اور دعاؤں کا شکریہ۔‘

ویڈیو سے ایسا ظاہر ہورہا ہے ہے کہ آل راؤنڈر میدان میں واپسی کی بھرپور تیاری کر رہے ہیں۔