آئی ٹی ایف جونیئر ایونٹس، 15 سالہ میکائیل علی کی شاندار کارکردگی

جمیکا میں آئی ٹی ایف جونیئر ایونٹس میں پاکستان کے میکائیل علی بیگ نے شاندار کارکردگی دکھائی ہے۔

15 سالہ میکائیل علی بیگ نے یکے بعد دیگرے دو سنگلز ٹائٹل جیت لیے، انہوں نے پچھلے ہفتے امریکی اور اس ہفتے کینڈین پلیئر کو فائنل میں ہرایا۔

کینڈین پلیئر اینتوئن ٹارڈف کے خلاف میکائیل علی بیگ نے 2-6، 6-7 سے کامیابی حاصل کی۔

دوسرے سیٹ میں میکائیل علی بیگ نے 2-5 کے خسارے سے کم بیک کیا۔

پچھلے ہفتے کے ٹورنامنٹ میں میکائیل نے امریکی پلیئر راس جونسن کو ہرایا تھا۔

میکائیل نے جمیکا میں راس جونسن کے ساتھ ڈبلز کا ٹائٹل بھی جیتا تھا۔